Category Archives: சிறு குறிப்புகள்

உளநலம் பேணுவதில் உங்களுக்கு விருப்பமா?

உளநலம் பேணுவதில் உங்களுக்கு விருப்பமா? அப்படியென்றால் அறிஞர் கௌசி என்ன சொல்கிறார் என்று படிப்போமா…

“உடலே உயிரை நிதமும் காக்கும் – இதைப்
புரியா துடலை மனிதன்
உருக்குலைத்து சீரழிப்பான் உண்மை” என்றும்

“நாமோ எதிலும் அக்கறையின்றி சாக்கடையினுள் அழுக்கைப் போடுவது போல் கண்டதையும் உண்டு உடலைச் சீரழித்துக் கொண்டிருக்கின்றோம்.” என்றும்

“பிற உறுப்புக்களுக்காகத் தொழிற்படும் மூளை தனக்காக ஓய்வெடுத்து தன்னிலுள்ள நச்சுத் தன்மையை வெளியகற்றும் நேரம் உறக்கமல்லவா? ஆனால், நாம் என்ன செய்கின்றோம். இரவிரவாகக் கண்விழித்து தூக்கத்தைக் கெடுத்து chat பண்ணுகின்றோம். Party கொண்டாட்டங்கள், தொலைக்காட்சி என்று உறங்கும் நேரத்தைத் தொலைக்கின்றோம்.” என்றும்

கணினியை ஒழுங்குமுறைக்கு உள்ளே பாவிக்காது நாம் எமது கண்களைக் கெடுக்கிறோம் என்றும் கடைசியில் “செய்வதெல்லாம் செய்து விட்டு நேர்த்திக்கடனென்றும் நேர்மையற்ற மருத்துவரென்று, போதாத காலமென்றும், பொல்லாத உலகென்றும் அடுத்தவரைக் குறைகூறி அழிவது நாமே.” என்றும் அடித்துச் சொல்கிறாரே!

உளநலம் பேணுவதில் நம்மவர் நிலையை இப்பதிவினூடாகக் காண்கிறேன். தளம் (சுவர்) இருந்தால் சித்திரம் வரையலாம். அது போல உடலை நலமாகப் பேணுவதில் தான் நீண்ட நாள் வாழலாம். அதற்கு உள்ளத்தில் நல்ல எண்ணம் வேண்டும். அதாவது அறிஞர் கௌசியின் எண்ணங்களைப் பேணுவதோடு கேடுகெட்ட எண்ணங்களை உள்ளத்தில் இருத்தாமல் நல்லெண்ணங்களை உள்வாங்கி, நல்லதையே எண்ணி உளநலம் பேணினால் உடலையும் நலமாகப் பேணுவதோடு நெடுநாள் வாழலாமே!

உங்களுக்கு நெடுநாள் வாழ விருப்பமா? அப்படியென்றால் கீழ்வரும் இணைப்பைச் சொடுக்கி அறிஞர் கௌசியின் பதிவைப் படித்துப் பாருங்களேன்.
http://www.gowsy.com/2014/10/blog-post_26.html

உங்கள் விருப்பம்

“என்னங்க… அடிக்கடி அவங்களைத் திட்டிக்கொள்கிறியளே!” என்றொருவர் அடுத்தவரிடம் கேட்க “அதுவா… அது என் விருப்பம்!” என்றார் அடுத்தவர்.

திட்டிக்கொள்வது அவரவர் விருப்பம் தான்! சரி, அது அடுத்தவர் உள்ளத்தைப் புண்ணாக்குமே! ஆனால், உள்ளப் புண்ணுக்கு மருந்தே கிடையாதே! அது உறவுகளை முறிக்கவே செய்யும்!

நல்ல உறவுகளைப் பேண அன்பு தான் மருந்து!

விலைப்பெண் (வேசி) ஆக வேண்டாம்!

ஒவ்வொரு விலைப்பெண்(வேசி) இற்குப் பின்னாலும் உலகளவு துயரக்கதைகள் இருக்கும் என்பதைக் கருத்திற் கொண்டே பொறுமையாக இதனைத் தொடர்ந்து படிக்க வேண்டும்.

சிலரைச் சிலர் போரில் கடத்திச் சென்று படையினரின் (இராணுவத்தின்) பசிக்குப் பயன்படுத்தப்பட்டிருக்கிறார்கள் (குறிப்பாக இலங்கையில்). சிலரைக் கடத்திச் சென்று இத்தொழிலுக்கு சிலரால் உட்படுத்தப்பட்டிருக்கிறார்கள். இந்தியாவில் குறிப்பாக மும்பையில் பிற மாநிலத்தினரைக் கடத்திச் சென்று பாவிக்கின்றனர். சீனாவிலிருந்து தொழில் தருவதாகக் கூறி பெண்களை வேறு நாடுகளுக்கு இழுத்து இத்தொழிலைத் திணிப்பதாகப் பத்திரிகையில் வெளிவந்துள்ளது. இவ்வாறு வெளிநாடுகளிலும் இடம்பெறுகிறது.

இவ்வாறான பாதிப்புக்குள்ளனவர்கள் தப்பித்து உலகம் போற்றும் சிறந்த பெண்களாக வாழ்பவர்களும் கண் முன்னே இருக்கிறார்கள்.
உயிர் வாழ ஏதுமற்றவர்கள் கூட தமது வறுமையைப் போக்க இத்தொழிலை நாடுகிறார்கள். இவர்களால் வேறு தொழிலைத் தேடிப் பெற்றிருக்கலாம். சிலர் நண்பர்களோடு பொழுதுபோக்காகத் தொடங்கி வாழ்நாள் தொழிலாக மாற்றியுள்ளாரகள். இன்னும் எத்தனையோ பெண்கள் இத்தொழில் ஈடுபடுகிறார்கள்.

இவர்களது அழகும் இளமையும் கெட்டுப் போகத் தொழில் கட்டாய ஓய்வுக்குத் தள்ளி விட மக்களாயத்தால் (சமூகத்தால்) கழித்து ஓரம்போக்க தற்கொலையோடு வாழ்வை முடிக்கிறார்கள். ஏனையோர் உயிர்கொல்லி நோயால் (Aids) சாவைத் தழுவுகிறார்கள். கத்தி தூக்கியவனுக்கு கத்தியால்த் தான் சாவு என்பது போல இத்தொழிலுக்குள் நுழைந்தவர்களுக்கு இத்தொழிலாலேயே சாவு என்பதற்கு மாற்றுக்கருத்துக் கிடையாது.

கடத்திச் செல்லப்பட்டோ படையினரால் சிறைப்பிடிக்கப்பட்டோ இத்தொழிலுக்குள் சிக்கி வெளியே வந்து மற்றவர்களைப் போல இயல்பு வாழ்க்கைக்குத் திரும்பியவர்களை நாம் வாழ்த்த வேண்டும். இவ்வாறு ஏனையோரும் இயல்புக்குத் திரும்ப நாம் ஒத்துழைப்பு வழங்க வேண்டும்.

நட்பு, பொழுதுபோக்கு நிகழ்வு எனச் சென்று தவறு செய்தவர்கள் கூடத் திருந்தி வாழ்கிறார்கள். மக்கள் மத்தியில் இரண்டாம் நிலை மதிப்போடுதான் வாழ்ந்தாலும் தன்னம்பிக்கையோடு வாழ்வதைப் பாராட்ட வேண்டும். ஏனையோருக்கு இவர்களது வாழ்க்கை படிப்பினையாகட்டும்.

வறுமை, தொழிலின்மை எனப் பல சாட்டுகள் கூறி இத்தொழிலை நாடுபவர்களைச் சுட்டுத்தள்ள வேண்டும். அதாவது மன்னிக்கவே கூடாது. இவர்கள் முயற்சி எடுத்திருந்தால் எத்தனையோ தொழிலைச் செய்திருக்கலாம்.

ஆண்கள் செய்யவேண்டிய கட்டடத் தொழிலில் பெண்கள்
ஆண்கள்; செய்யவேண்டிய மீன்பிடித் தொழிலில் பெண்கள்
ஆண்கள் செய்யவேணடிய தென்னை, பனை ஏறிக் கள் பறிப்பதில் பெண்கள்
ஆண்கள் செய்யவேண்டிய ஊர்தி ஓட்டுநர் தொழிலில் பெண்கள்

ஆண்கள் செய்கின்ற எல்லாத் தொழிற்றுறையிலும் பெண்களிருக்க விலைப் பெண்களாக (வேசியாக) தொழிலில் ஈடுபடுவதை ஏற்கவும் முடியாது மன்னிக்கவும் முடியாது. அவர்கள் தங்களுக்குள் தன்னம்பிக்கை வளர்த்து தம்மால் மாற்றார் பாதிக்கக் கூடாதென உணர்ந்து மற்றவர்களுக்கு முன் மாதிரியாக வாழ்ந்து காட்ட வேண்டும். ஆவதும் பெண்ணாலே அழிவதும் பெண்ணாலே எனபதற்கு இணங்க இளசுகளைச் சீரழிக்காமல் நாட்டை மேம்படுத்த விலைப்பெண் (வேசி) ஆக வேண்டாம்.

எதற்கெல்லாம் இதெல்லாம் வேண்டாம்!

wishes

மேலுள்ள படம் எவரோ ஒருவரால் முகநூலில் பகிரப்பட்டிருந்தது. நண்பர்கள் எதற்கெல்லாம் “வா மச்சி சரக்கு (மது/அற்ககோல்) அடிக்கலாம்” என்று அழைப்பதை படம் சுட்டிக் காட்டுகிறது. எதற்கெல்லாம் இதெல்லாம் வேண்டாம் நண்பர்களே! நண்பர்களே எப்போதும் சரக்குப் (மது/அற்ககோல்) பக்கம் போனால் சிறுநீரகம் அழுகிச் சாவு வந்துவிடலாம் என்றே சொல்லாவிட்டாலும் சாவடைந்தவர்களின் பெறுபேறுகள் அப்படித்தான் சொல்ல வைக்கிறதே!

இந்த அட்டவணையைப் பாருங்க… வாழ்வின் முக்கிய நிகழ்வுகளில் அம்மா பிள்ளைக்குச் சொல்வதும் அப்பா பிள்ளைக்குச் சொல்வதும் வேறுபடுவது அவரவர் உள்ளம் வெளிப்படுத்தும் உண்மையே! அதாவது, அம்மா அன்பின் வெளிப்பாடாகவும் அப்பா ஆளுமையின் வெளிப்பாடாகவும் தம்மை அடையாளப்படுத்துகிறார்கள். பிள்ளைகளாகிய நாம் தான் நம் நிலை, நமது சூழலின் பார்வை என்பவற்றோடு அவர்களின் கருத்தை ஒப்பிட்டுப் பொருட்படுத்த வேண்டும். பெற்றோர்களின் உள்ளத்தில் இருந்து வெளிப்படுவது பெறுமதிமிக்க எண்ணங்களே!

இளையவர்களிடையே (இருபாலாரிடமும்) எதற்கெடுத்தாலும் மகிழ்வூட்டும் நிகழ்வை (பார்ட்டி) ஒழுங்குபடுத்துவது வழக்கமாயிற்று. சற்று நேர மகிழ்வூட்டல் பெரும் சறுக்கலுக்கு இடமளிக்கலாம். சற்று நேர மகிழ்வூட்டல் சிறந்த வழிகாட்டலைத் தரப்போவதுமில்லை. எதற்கெல்லாம் இதெல்லாம் (“வா மச்சி சரக்கு (மது/அற்ககோல்) அடிக்கலாம்”) வேண்டாம்! வெற்றி பெற்றால் இனிப்பைக் கொடுத்து மகிழ்வைப் பகிருங்கள்; அதேவேளை எவ்வாறு அவ்வெற்றியை பேணுவது பற்றி எண்ணமிடுங்கள். தோல்வி பெற்றால் அழுதழுது துயரைப் பகிராமல் வெற்றி பெறுவதெப்படி என எண்ணமிடுங்கள். வெற்றியையும் தோல்வியையும் முகங்கொடுக்கப் பழகுங்கள்; அவை பிறப்பிலிருந்து இறப்புவரை தொடருமே!

வெற்றி பெறப் படிப்போம் வாங்க…

வழிகாட்டலும் மதியுரையும் (ஆலோசனையும்) என்பது முடிவுகளைச் சொல்வதோ அல்லது திணிப்பதோ அல்ல. குறித்த ஆள் தாமாகவே முடிவுகளை எடுக்கக்கூடிய ஆற்றலை ஏற்படுத்துவதே என்பேன். அதற்கு உளநலப் பேணுகை உதவுகிறது.

“இந்தச் சூழலில் இப்படி நடந்தால் வெற்றி தான்” என நாளுக்கு நாள் எண்ணமிடுங்கள். அவை ஆழ்உள்ளம் (ஆழ்மனம்/ Sub Conscious Mind) இல் சேமித்து வைக்கப்படும். தக்க சூழலில் தக்கவாறு நடக்க ஆழ்உள்ளம் (ஆழ்மனம்/ Sub Conscious Mind) என்பது சேமித்த தகவல்களை நாடி, நரம்பு வழியே புலனுறுப்பு வழியே வெளிப்படுத்த உதவுகிறது. இதனால் எமக்கு வெற்றிகள் குவியும்.

ஆயினும், ஒழுங்கு முறையில் திட்டமிடவும்; கட்டுப்பாட்டோடு செயற்படவும் நாளுக்கு நாள் எண்ணமிட்டுப் பழகுங்கள். அதாவது, வெற்றியடைவதற்கான அமைப்பை (System) திரைப்படம் போல உள்ளத்தில் (மனத்தில்) வந்து போகும் காட்சிகளாக எண்ணமிட்டுப் பழகுங்கள். அப்படி எண்ணமிட்டுப் பழக அறிஞர் திண்டுக்கல் தனபாலன் அவர்களின் “என்றும் துணை எது…?” என்ற பதிவைப் படித்துப் பாருங்கள். அதற்கான இணைப்பு கீழே தரப்படுகிறது.

http://dindiguldhanabalan.blogspot.com/2014/07/Control-Yourself.html

இது திண்டுக்கல் தனபாலன் தளம் அறிமுகமல்ல, அது பிறிதொரு வலைப்பூவில் இடம்பெறும்.

ஆறுவது சினம் – ஔவையார் சொன்னது

ஆத்திச்சூடியில் ஔவையார் “ஆறுவது சினம்” என்று எமக்கு வழிகாட்டினார். அதாவது பொறாமை, துவேஷம், காதல், காமம் என்பன ஆறாவிட்டாலும் கோபம்/சினம் ஆறும் என்று கருதலாம். ஆறவைப்பது நாமாகத்தான் இருக்க முடியும்.

யார் மீதாவது கோபம் வந்தால், முதலில் அந்த இடத்தை விட்டு அகன்றால் கோபம் தணியும்/ஆறும். கோபமாய் இருக்கும் போது பேசாதீர்கள்; சண்டை போடாதீர்கள்; அமைதியாய் இருங்கள். ஏனென்றால்… “ஆறுவது சினம்” என்று ஔவையார் சொன்னது.

கோபம் வரும் வேளை, மூளைக்குச் செந்நீர்/குருதி செல்வது குறையும். அதனால், முடிவு எடுப்பதில் குழப்பம் வரலாம். அதாவது, சரியான முடிவு எடுக்க முடிவதில்லை. எடுத்த வீச்சில வெட்டுக் கொத்தில முடியலாம். எனவே, கோபம் தணியும்/ஆறும் வரை ஒதுங்கி இருப்பதே நலம்.

“சாமானியனின் கிறுக்கல்கள்!” என்ற தளத்தில் “ரெளத்திரம் பழகு!” என்ற பதிவைப் படித்தேன். அப்பதிவு கோபம் தணிய/ஆற என்ன செய்யலாமென வழிகாட்டுகிறது. கீழ்வரும் இணைப்பைச் சொடுக்கிப் பயனுள்ள அப்பதிவைப் படியுங்கள்.

ரெளத்திரம் பழகு!
http://saamaaniyan.blogspot.com/2014/07/blog-post_22.html

ஓடு எயிட்ஸே ஓடு

என்னங்க
மார்கழி ஒன்று வந்தால்
“எயிட்ஸ்” என்று
உலகெங்கும் நினைவூட்டுறாங்களே…
எதுக்குத் தெரியுமா?
“ஓடு எயிட்ஸே ஓடு” என்று
எயிட்ஸை விரட்டவாம்!
எந்தக் கடவுள் வந்தும்
“ஓடு எயிட்ஸே ஓடு” என்று
விரட்டினால் கூட
ஒழிக்க முடியாத எயிட்ஸை
ஒருவனுக்கு ஒருத்தி என்ற
ஒழுங்கில் வாழ்ந்தால் மட்டுமே
எயிட்ஸை நெருங்க விடாமல்
தடுக்கலாம் பாருங்கோ…
நெருங்காத எயிட்ஸை
விரட்டத் தேவை இல்லையே!
ஊசி மருந்து ஏற்றல்,
குருதி வழங்கல்,
இன்னும் பல வழிகளில்
தொற்றுக்களாய்
உடலுக்குள் ஊடுருவ முன்னரே
முற்காப்பு வழிகளை அறிந்தால்
எயிட்ஸை நெருங்க விடாமல்
பேணலாம் பாருங்கோ…
“ஓடு எயிட்ஸே ஓடு” என்று
விரட்டினால் கூட
ஒழிக்கமுடியாத எயிட்ஸை
நாங்கள் தான்
முற்காப்புடனும் ஒழுக்கத்துடனும்
எயிட்ஸை நெருங்க விடாமல்
வாழ வேண்டுமே…
நெருங்காத எயிட்ஸை
விரட்டத் தேவை இல்லையே!

 

நல்ல நேரம் பார்த்துப் புகைக்கலாமா?

“எந்த நேரத்தில் புகைக்கலாம்” என்றொரு ஆய்வுப் பதிவைப் படித்தேன். தலைப்பைக் கண்டதும் புகைக்க நல்ல நேரம் இருக்கென நம்பினேன். தொடர்ந்து படித்த போது தான் தெரிந்தது; புகைத்தலால் வரும் விளைவை ஆய்வு செய்திருக்கிறார்கள் என்றறிந்தேன். முடிவில் நல்ல நேரம் பார்த்தாவது புகைக்க வேண்டாமென மருத்துவர் எச்சரிக்கை செய்திருப்பதைக் கண்டேன். இப்பதிவு பலருக்கு நன்மை தருமென இங்கே தங்களுக்கு அறிமுகம் செய்கிறேன். கீழுள்ள இணைப்பைச் சொடுக்கிப் படிக்கவும்.

எந்த நேரத்தில் புகைக்கலாம்.
via
எந்த நேரத்தில் புகைக்கலாம்.

செலவு செய்வதென்றால் சும்மாவா?

ஏழைக்கு அச்சம் இல்லை
செலவு செய்யப் பணம் இருந்தும்
நாளைக்கும் கொஞ்சம் வைப்பான்
முடிந்தால் அயலுக்கும் உதவுவான்
நோயின்றி வாழ்வான்…
பணக்காரனுக்கு அச்சம் இருக்கும்
செலவு செய்யப் பணம் இருந்தும்
நாளைக்கும் நிறைய வைப்பான்
முடிந்தாலும் அயலுக்கு உதவான்
நோயோடு வாழ்வான்…
இது தான்
ஏழைக்கும் பணக்காரனுக்கும்
இடைப்பட்ட வேறுபாடு…
ஏழை வாழ்க்கையைச் சிந்திக்கிறான்
பணக்காரன் தேட்டத்தைச் சிந்திக்கிறான்
ஏழைக்கும் பணக்காரனுக்கும்
“பிறரைப் போல நாமும்” என்ற
எண்ணம் வந்ததே கிடையாது!
அப்படியென்றால் பாரும்
“பிறரைப் போல நாமும்” என்ற
எண்ணம் யாருக்குத் தான் தோன்றும்?
“தனக்குப் பின் தானம்” என்பதை
ஏற்றுப் பிறருக்குக் கொடுத்து உதவும்
உள்ளங்களுக்கு வரலாம் – அவர்களுக்கு
எனது
உளநல வழிகாட்டலும் மதியுரையும்
தேவைப்படாது என்பேன்!
இஞ்சாருங்கோ
இன்னொரு குழு இருக்கங்கோ
“பிறரைப் போல நாமும்” என்ற
எடுப்பு எடுக்கிற ஆள்கள் பாரும்…
தன் வயிறு பட்டினி என்றாலும்
எதிரார் எடுப்புக்கு நிகர் தாமென
உடுத்திப் படுத்தி எடுப்பாய் நிற்பினம்
அவர்களுக்கு – எனது
உளநல வழிகாட்டலும் மதியுரையும்
தேவைப்படாலம் என்பேன்!
ஆனாலும்,
உளவியல் வழிகாட்டலை விட
மெய்யியல் வழிகாட்டல்
அவர்களுக்கு உதவும் என்பதால்
கோட்பாட்டுப் (தத்துவப்) பாடல் தந்து
நல்வழிகாட்டும் அறிஞர்
திண்டுக்கல் தனபாலன் அவர்களின்
“எது நாகரீகம்…?” என்ற பதிவை
தங்களுக்கு அறிமுகம் செய்கின்றேன்!
எடுத்துக்காட்டுக்காக
காந்தியையும் தென்கச்சியாரையும்
உதவிக்கு இழுத்து இருக்கின்றார்!
படித்தேன்… சுவைத்தேன்…
எதிரார் எடுப்புக்கு நிகர் தாமென
உடுத்திப் படுத்தி எடுப்பாய் நிற்கிற
ஆள்களுக்கு உரிய
மெய்யியல் வழிகாட்டல் இதுவென
நானுரைத்தாலும் கூட
எல்லோருக்கும் சிறந்த
பட்டறிவு (அனுபவம்) நிறைந்த
வழிகாட்டல் பதிவு இதுவென்பதாலே
கீழுள்ள இணைப்பைச் சொடுக்கிப் படியுங்கள்!
http://dindiguldhanabalan.blogspot.com//2014/07/Civilisation.html

 

மருத்துவராகி நாட்டுக்குப் பணி செய்ய…

தமிழறிஞர் முனைவர் இரா.குணசீலன் அவர்களின் “சிரிப்பும் சிந்தனையும் – http://www.gunathamizh.com/2014/06/blog-post_26.html ” என்ற பதிவை எல்லோரும் படித்துத் தான் ஆகவேண்டும். படங்களுடன் (கேலிச்சித்திரங்கள்) எடுத்தாளப்பட்ட உண்மைகளைப் படித்துத் தான் ஆகவேண்டும்.

நான் அவரது பதிவைப் படித்ததில் கீழுள்ளதை விரும்புகிறேன்.

முதலில் அவரது பதிவைச் சென்று படியுங்கள். அடுத்து எனது கருத்தைப் படிக்கத் தொடரலாம்.

மருத்துவம் என்பது உயிர் காக்கும் பணி. மருத்துவம் படிக்கும் வழியும் சிறந்து விளங்க வேண்டும். ஆனால், இலங்கையிலும் சரி இந்தியாவிலும் சரி அரச கல்வித் திட்டப்படி மருத்துவம் படிக்க முடியாதோர் பணமுள்ளோர் தனியார் மருத்துவக் கல்லுாரிகளில் மருத்துவம் படித்து வெளியே தலையைக் காட்டுவோரால் மருத்துவக் கல்விக்கு மதிப்பிழப்பு ஏற்பட்டுவிட்டது. இதனை தமிழறிஞர் முனைவர் இரா.குணசீலன் அவர்களின் பதிவு நன்றே உணர்த்துகிறது.

அன்றெல்லாம் மருத்துவர்கள் அரிது. இன்றெல்லாம் மருத்துவர்கள் அதிகம் என்றால் தமிழறிஞர் முனைவர் இரா.குணசீலன் அவர்கள் வெளிப்படுத்திய செய்தியே சான்று. இந்நிலை போலி மருத்துவர்கள் தலைகாட்ட இடமளிக்கிறது. எங்கேயோ எப்படியோ படித்தவர் போல சித்த மருத்துவர்களும் ஆயுர்வேத மருத்துவர்களும் ஆங்கில (MBBS) மருத்துவர்கள் வழங்கும் மருந்துகளையும் வழங்கும் நிலை வந்துவிட்டது. சித்த, ஆயுர்வேத மருத்துவங்கள் தமிழ் இலக்கியமாகவே இருக்க ஆங்கில (MBBS) மருந்துகள் எப்படி அதற்குள் நுழைந்திருக்கும்? இப்படிப் போனால் “உயிர் காக்கும் பணி” என்பது “உயிர் அழிக்கும் பணி” ஆகாதோ?

நான் ஓர் உளநல மதியுரைஞர் (Counsellor) என்ற வகையில், நோயாளிகள் எல்லோரும் அரச கல்வித் திட்டப்படி படித்த அல்லது அரச அனுமதி பெற்ற அதாவது அரச மருத்துவர் பதிவிலக்கம் பெற்றவரையே நாடவேண்டும் என்பேன். இவ்வாறே உளநல மதியுரைஞர் (Counsellor) எவரையும் நாடுவதாயின் அரச அனுமதி பெற்றவரையே நாட வேண்டும். எனவே, நோயாளிகள் தவறான இடத்தையோ தவறான ஆள்களையோ நாடினால் உயிரிழப்பு ஏற்பட வாய்ப்பும் உண்டு.

தன் (சுய) மருத்துவம் அல்லது பாட்டி மருத்துவம் மேற்கொண்டு தம்மை அழிப்பவரைப் போலவே தவறான இடத்தையோ தவறான ஆள்களையோ நாடுவோரும் தம்மை அழிக்கிறார்கள். நோயாளிகளோ நோயாளிகளைச் சூழவுள்ளோரோ உண்மையான, உண்மையற்ற மருத்துவ ஆளணிகளை அடையாளப்படுத்தக் கற்றுக்கொள்ள வேண்டும். இது பற்றிய தெளிவை உண்மையான மருத்துவ ஆளணிகளும் ஊர்ப் பெரியோர்களும் மக்களுக்கு வழங்க வேண்டும். இதனால் நாட்டின் தேவையற்ற உயிரிழப்புகளைத் தடுக்கலாம்.

மருத்துவராகி நாட்டுக்குப் பணி செய்ய விரும்பும் உறவுகளே! என் போன்றவர்கள் இப்படித் தான் மக்களுக்கு வழிகாட்டுவர். நீங்கள் அரச கல்வித் திட்டப்படி படித்து அல்லது அரச அனுமதி பெற்று அதாவது அரச மருத்துவர் பதிவிலக்கம் பெற்று மக்களுக்குப் பணி செய்ய முன்வர வேண்டும்.

அன்று யாழ்ப்பாணத்தில் (மூளாய் கூட்டுறவு வைத்தியசாலையும் மருத்துவர் கெங்காதரனும்) தனியார் மருத்துவக் கல்லூரியைத் திறக்க அன்றைய அறிஞர்கள், மருத்துவபீட யாழ் பல்கலைக் கழக மாணவர்கள் தடுத்தமையால் நிறுத்தப்பட்டது. ஆனால், இன்று இலங்கையில் மாலபேயில் அரச அனுமதியுடன் தனியார் மருத்துவக் கல்லூரியைத் திறந்து இயங்க எவரும் பெரிதும் எதிர்த்ததாயில்லை. காலவோட்டத்தில் இது இயல்பென (இன்றைய நாகரீகமென) இருந்துவிட்டார்கள் போலும்.

ஆயினும், மக்கள் பணி என மருத்துவராகி நாட்டுக்குப் பணி செய்ய விரும்புவோர் அரச கல்வித் திட்டப்படி படித்து மருத்துவரானால் மட்டுமே நன்மதிப்பை ஈட்டமுடியும். அவ்வாறானவர்களையே மக்கள் விரும்பி நாடும் காலம் நெருங்கி வருகிறது.