உள்ளமும் உண்மையும்

உள்ளத்தைத் திறந்து பார்த்தால்
என்ன என்ன இருக்கும்?
உள்ளமே உருப்படியாய் இல்லை,
உள்ளுக்குள்ளே என்ன இருக்கும்?
தினமும் என்னைத் துளைக்கும்
கேள்விக் கணைகள் இவை தான்!
இதற்கு மேலும் ஐயம் தான்…
தீர்வுகள் கிடைக்காத வரைக்கும்
சிந்திப்பதே வேலையாச்சு!
சிந்திக்கச் சிந்திக்க
சிந்திக்கின்ற பகுதி தான்
உள்ளம் என்றறிந்தேன்!
சிந்திக்கத் தூண்டுபவை எல்லாம்
உள்ளத்தைத் திறந்து பார்த்தால்
உள்ளேயிருப்பவை என்றறிந்தேன்!
உள்ளத்தைத் திறந்த பின்னரே
உண்மை என்னவென்று புரிகிறது…
நாள்தோறும் துன்பத்தைத் தருகின்ற
புண்கள் அவையென்று தெரிகிறது…
சொற்கள் என்னும் முட்கள் குத்தாத
மனித உறவுகள் சுகமளிக்க…
கண்ணைப் பறிக்கும் வெயிலைப் போல
சிந்தனையைக் கெடுக்கும் காடசிகள் இல்லாத
புனித சுற்றம் மருந்தாக…
உங்கள் உள்ளப் புண்கள்
மறைந்து ஓடுமாம் என்கிறார்களே!
புண்கள் இல்லாத உள்ளத்திற்கு
நீங்களே மருந்து என்கிறார்களே!
திறந்து பார்த்த உள்ளத்தின்
உண்மைகள் இவையென்று படிக்க
உங்களுக்கு எத்தனை நாளெடுக்கும்?

Advertisements

2 responses to “உள்ளமும் உண்மையும்

  1. வணக்கம்

    கவிதையின் வரிகள் அருமையாக உள்ளது ரசித்தேன் வாழ்த்துக்கள்

    -நன்றி-
    -அன்புடன்-
    -ரூபன்-